عجب بيعرف حضرة جنابو .. وزير التعليم العالي ؟؟
أنا من أقدم الأساتذة في جامعة حلب , وتراكم لدي حوالي الأربعين سنة خدمة في وزارته , وعمري 70 سنة
وراتبي الشهري مع التعويضات يتجاوز 150 ألف ( ليرة طبعا ) وهو من أعلى الرواتب في الدولة .
عجب بيعرف جناب الوزير وحضرات غيره من كبار وصغار المسؤولين إني ع بستهلك كل الراتب على تأمين البنزين ” الحر ” كي أستمر بالدوام المنتظم في المشفى ؟؟
عجب بيقبلوا هالمسؤولين إنو زوجاتهم تطلع من البيت مع الفجر وتصف بالدور مع العديد من المواطنات مشان تعبي حصتها المتواضعة من البنزين .. وأمام ناظرهن الكثيرون ممن يتجاوزون الجميع ويحصلون على البنزين بعد دفع ” المعلوم ” ؟؟
عجب بيقبل المسؤول إنو يجي الشرطي ويخبط بإيدو على سيارة زوجته بعد انتظارساعات طويلة ..
قائلاً : يللا , يللا اتحركي : خلص البنزين ؟؟
لازم تتخيلوا شكل سوسن , النظامية المؤدبة الرقيقة , لما رجعت ع البيت خائبة ومتعبة ومهانة … !!
لما حكتلي وقالتلي : عجبك ؟ مو هيك بدك : تضل بحضن الوطن ؟؟
فوراً تذكرت عناصر الدورية اللي انزعجوا مني ووصفوني ب : أخو القحبة ..
نعم .. أنا الأستاذ الدكتور أخو القحبة لإني بقيت بحضن الوطن
أتمنى أن يصل كلامي للسيد الرئيس
مع تحياتي
د علي سريو / من صفحته على الفيسبوك
الراابط :
https://www.facebook.com/ali.serio.1
